الفارس2006
02-03-2007, 09:09 PM
هذه قصيدة للشاعر الكبير سليمان بن شريم رحمه الله ينصح فيها ابنه
وهي مليئة بالنصائح والحكم التي نحن بحاجة إليها في هذا الزمن
الذي غابت فيه واندثرت كثير من العادات العربية الحسنة
يا مل عينٍ في محاجـيرها شوك=والقلب به عن لذة الـنوم تكاك
لا دك في قلبي من الهم داكوك=جاوبت طربات الحمايم على الراك
عزي لحالك يا عزيز وأنا ابــوك=كان الزمان اللي وطـاني توطاك
إفهم وصاتي يا عزيز وأنا ابوك=دامك صغير وغاية العـلم يقــراك
تراه ما ينــفعك خالك ولا أخـوك=لا صار ما تقضي لزومك بيمــناك
وربعك ليا بان الخلل فيك عافـوك=أقرب قريب ٍ لك من الناس يشــناك
إن كثر مالك صدقوا لك وطاعــوك=وإن قل ما بيديك شانت حلايــاك
لو تطلب الما عندهم كان ما أسقوك=ابعد مزارك عن وطنهم ومـرباك
وإن طاب حظك صدقوّا لك وحـبوك=وإن بار كلن ما يبي غير فرقـاك
واليا اعترض لك من صروف الـنيا صوك=كلن تبرا منك ماهـوب ويـاك
هراجة المجلس إلى جـيت وروك=منازل ٍ تطرب نظيرك بدنــياك
واليا قضوا منك اللوازم وخلوك=تفرقوا وأنت احتمل كل ما جـاك
كنك سراج البيت للنور شبوّك=وإلى انقضى اللازم حدا الربع طفاك
وألا كما ليمونة الحمض مصوك=وإلا قضى منها الطعم فرغوا ذاك
واللي يجي من رفقته ريب وشكوك=احذر عنه لياك تصدف بمسراك
وإليا جفوك أهل الوطن وإسـتخفوك=قلّع غريسك منه وإهدم ركايـاك
تراك لو تنجع على الربع صــعلوك=أحسن من اللي تلتجي به وياطـاك
عطهم وضيفهم إليا منهم جـوك=واغلق ضميرك لا تعلم بقصـياك
إن طبت ما حبوّك وإن عبت زالـوك=تمضي حياتك ناقل ٍ داك بريـاك
وإلى نفوك من الوظيفه وعافوك=خفتّ موازينك وكلن تهقواك
واصحى لخلان الرخا لو تغالوك=إعرف ترى أطيبهم إلى احتجت يجفاك
كنك خوي مقيط دهووك وأغووك=وحقك عطاك رشاك واقفى وخلاك
واحذر عن العلة ترى الحق مـدروك=مثل العمل يدركك ما منه فكـاك
وإن كان عدوانك على الضيق حدوك=فاخصم طلابتهم بعجفاك وقداك
وإن كانهم لمشرّف الحق ماشوك=ناظر مطاليع الفرج قبل مـبداك
وإن طاوعوا شيطان الأنفس وهانوك=فاصبر على البلوى ودفنك رزايـاك
زرهم تراك إلـيا تونــــيت زاروك=إن ما بديت لصاحب السو يبـداك
ما دامهم ما طاوعوا لك وعرفوك=اضرب على الكايد إلى عمست ارياك
لو هذبوك من المصاوب وضــدوك=ما يذبحونك قبل تدني مـناياك
واحلم على الجاهل ترى الحلم مبروك=وقم للضعيف اللي من الظيم ينخاك
وإدمح خطا جيران بــيتك إلى اوذوك=ترى القصير وحرمة الجار بحـماك
عطهم لوازم حقهم لو تناسـوك=في كل ما يصلح لدينك ودنـياك
وقم للضيوف اللي لفوا لك وضافوك=أغلى كرامتهم حجاجك وبشـراك
واعرف ترى مالك للأضياف مشــروك=لولاه يطلب حاجته منك ما جـاك
وقم للرجال إن رايعوا لك وحبـوك=واحشم خويك واكرمـه عند ملفاك
وإلى اعتبرت بسيرة الناس كفوك=ما كثر من شي أتعبك ثم عناّك
ولولا تبات بهمّ دنياك مظنوك=ما طاب لك ما دام لك وافتهم ذاك
لو يطلبون اخفايك الناس ما اخفوك=الرجل مثل النجم في كل الافلاك
وصلاة ربي عدّ الأوراق والشوك=أو ناض براق ٍ وما هل سفاك
على الذي ما فيه ريب ٍ ولا شكوك=محمد ٍ عداد ما دك بالقــــلب دكاك
إن شاء الله تحوز على رضاكم وتنال إعجابكم
وهي مليئة بالنصائح والحكم التي نحن بحاجة إليها في هذا الزمن
الذي غابت فيه واندثرت كثير من العادات العربية الحسنة
يا مل عينٍ في محاجـيرها شوك=والقلب به عن لذة الـنوم تكاك
لا دك في قلبي من الهم داكوك=جاوبت طربات الحمايم على الراك
عزي لحالك يا عزيز وأنا ابــوك=كان الزمان اللي وطـاني توطاك
إفهم وصاتي يا عزيز وأنا ابوك=دامك صغير وغاية العـلم يقــراك
تراه ما ينــفعك خالك ولا أخـوك=لا صار ما تقضي لزومك بيمــناك
وربعك ليا بان الخلل فيك عافـوك=أقرب قريب ٍ لك من الناس يشــناك
إن كثر مالك صدقوا لك وطاعــوك=وإن قل ما بيديك شانت حلايــاك
لو تطلب الما عندهم كان ما أسقوك=ابعد مزارك عن وطنهم ومـرباك
وإن طاب حظك صدقوّا لك وحـبوك=وإن بار كلن ما يبي غير فرقـاك
واليا اعترض لك من صروف الـنيا صوك=كلن تبرا منك ماهـوب ويـاك
هراجة المجلس إلى جـيت وروك=منازل ٍ تطرب نظيرك بدنــياك
واليا قضوا منك اللوازم وخلوك=تفرقوا وأنت احتمل كل ما جـاك
كنك سراج البيت للنور شبوّك=وإلى انقضى اللازم حدا الربع طفاك
وألا كما ليمونة الحمض مصوك=وإلا قضى منها الطعم فرغوا ذاك
واللي يجي من رفقته ريب وشكوك=احذر عنه لياك تصدف بمسراك
وإليا جفوك أهل الوطن وإسـتخفوك=قلّع غريسك منه وإهدم ركايـاك
تراك لو تنجع على الربع صــعلوك=أحسن من اللي تلتجي به وياطـاك
عطهم وضيفهم إليا منهم جـوك=واغلق ضميرك لا تعلم بقصـياك
إن طبت ما حبوّك وإن عبت زالـوك=تمضي حياتك ناقل ٍ داك بريـاك
وإلى نفوك من الوظيفه وعافوك=خفتّ موازينك وكلن تهقواك
واصحى لخلان الرخا لو تغالوك=إعرف ترى أطيبهم إلى احتجت يجفاك
كنك خوي مقيط دهووك وأغووك=وحقك عطاك رشاك واقفى وخلاك
واحذر عن العلة ترى الحق مـدروك=مثل العمل يدركك ما منه فكـاك
وإن كان عدوانك على الضيق حدوك=فاخصم طلابتهم بعجفاك وقداك
وإن كانهم لمشرّف الحق ماشوك=ناظر مطاليع الفرج قبل مـبداك
وإن طاوعوا شيطان الأنفس وهانوك=فاصبر على البلوى ودفنك رزايـاك
زرهم تراك إلـيا تونــــيت زاروك=إن ما بديت لصاحب السو يبـداك
ما دامهم ما طاوعوا لك وعرفوك=اضرب على الكايد إلى عمست ارياك
لو هذبوك من المصاوب وضــدوك=ما يذبحونك قبل تدني مـناياك
واحلم على الجاهل ترى الحلم مبروك=وقم للضعيف اللي من الظيم ينخاك
وإدمح خطا جيران بــيتك إلى اوذوك=ترى القصير وحرمة الجار بحـماك
عطهم لوازم حقهم لو تناسـوك=في كل ما يصلح لدينك ودنـياك
وقم للضيوف اللي لفوا لك وضافوك=أغلى كرامتهم حجاجك وبشـراك
واعرف ترى مالك للأضياف مشــروك=لولاه يطلب حاجته منك ما جـاك
وقم للرجال إن رايعوا لك وحبـوك=واحشم خويك واكرمـه عند ملفاك
وإلى اعتبرت بسيرة الناس كفوك=ما كثر من شي أتعبك ثم عناّك
ولولا تبات بهمّ دنياك مظنوك=ما طاب لك ما دام لك وافتهم ذاك
لو يطلبون اخفايك الناس ما اخفوك=الرجل مثل النجم في كل الافلاك
وصلاة ربي عدّ الأوراق والشوك=أو ناض براق ٍ وما هل سفاك
على الذي ما فيه ريب ٍ ولا شكوك=محمد ٍ عداد ما دك بالقــــلب دكاك
إن شاء الله تحوز على رضاكم وتنال إعجابكم