جديد الشاعر بديوي الوقداني

[الفارس2006]

هذه القصيدة الثانية للشاعر بديوي الوقداني وهي قلة من يعرفها أو سمع بها

حيث لم تشتهر كقصيدته الأخرى التي مطلعها "أيامنا والليالي كم نعاتبها"

مع أنها مليئة بالحكم الجميلة كعادة بديوي الوقداني وكما وعدتكم أفي بوعدي

وهاهي القصيدة بين أيديكم علها تحوز على رضاكم وتنال إعجابكم



دنياك هذي كلها هز فاروق = ما تعرف الصاحب من اللي معاديك

وأكثر كلام الناس بالمكر والبوق = يهرج معك والى تقفيت يرميك

المال دايم صاحبه يرتفع فوق = والقل خايب لو ترفعت يرخيك

عزي لمن دور لها عند مخلوق = إما بخل والا متن يوم يعطيك

أوصيك بالطيب اذا كان لك ذوق = ارمه وراك ولازم انه يلاقيك

يا العبد هون كل مطرود ملحوق = لا تستهن لك رب ما هو مخليك

اللي جعل لك روح جاعلك مرزوق = كما تكفل بك من الخلق كافيك

يعطي وباب الرزق ما هو بمغلوق = واذا طلبته وانت محتاج يافيك

الرزق له حسبه وله وقت مطلوق = وان مت ما هو عند قبرك يناديك

والموت جايك لو تقع جوف صندوق = دع بابك من حذر لا يعنيك

لا يشغلك مالك ترى المال ممحوق = ما مالك الا ما تمده أياديك

إن كان مالك يا فتى ضيق السوق = تراه عند الموت ما هو منجيك

الجار والعاني لهم شرط وحقوق = والضيف واجب تكرمه يوم يوافيك

وان كان تبغي تاخذ المدح مطبوق = خلك مشمر دون ضيفك وعانيك

صون الامانه واظهر الهرج بصدوق = ولا تعاشر صاحب البوق يعديك

لا تصحب الخاين ولا تامن النوق = وان لاح براق الحيا عذرت فيك

والدرب لا تامنه لو كنت مرفوق = إلا بحد في يمينك يباريك

اترك طريقة كل عاشق ومعشوق = ترمي بروحك في الشر ثم يرميك

والكلب ما يتبعك لو تلبسه طوق = لو من خلاخيل الذهب ما يراعيك

وبالصبر تغلب صاحب العزم يا شوق = والعزم طيب مير حزات يوريك

واقزح إلى منك عن الشر مدقوق = واحذر صديقك واحذر اللي يواليك

هذا كلام الصدق ما هو بمسروق = وابيات يا قلبي بناها يسليك

من هاجس يطمي كما بحر صافوق = احذر على قلب الشقي يوم يطريك

يا رب تجعلني من النار معتوق = واجعل كلامي طيب يوم اوافيك






وسلااااامتكم :n200631:

[المربعي]

من اقدم شعار عتيبه


وشاعر بمعني الكلمة


سلمت لنقلك الجميل اخي الكريم

[الفارس2006]

وسلم بدنك أخي المربعي

مرورك أسعدني جدا

فلك تحياتي يا عزيزي

[ساري]

جميل اخي الفارس ويعطيك العافية

[الفارس2006]

والأجمل مرورك أخي ساري

وبارك الله فيك